CM Salai Lian Luan (Photo: CCN)

Tuni (June 26, 2019) ah Ramkip Rithai-sii Hmannak le Phung Ning Loin Zuarnak Dohnak Ni (The Ceremony of International Day agianst Drug Abuse and Illicit Trafficking) cu, Hakha No. 1, Basic Education Highs School, Pu Thai Chawn Hall pi ah an tuah.

Salai Lian Luan (Photo: CCN)

Zing suimilam 9:00am-12:00pm tiang tuahmi Ramkip Rithai-sii Hmannak le Phung Ning Loin Zuarnak Dohnak Ni ah Chin ramkulh cozah in Chief Minister U Salai Lian Luai, Social Minister Pau Lwin Min Thang, cun Meithat (Fire fighter) pawl, Chin ramkulh ngandamnak zung lei in Nurse pawl le Dr. Thang Hnin Lian, Chin ramkulh upadi lei in tuanvo ngeitu U Zaw Myo Aung le Ministry of Board Affairs Vuanci Ye Aung tleh in, Chin ramkulh chungin siang-ngakchia cheukhat zong an i tel.

Photo (CCN)

Chief Minister U Salai Lian Luan nih hunnak bia a chim hnu ah, Minister of Boarder Affairs Vuanci nih a chim, cun Ngan damnak lei in Dr. Thang Tin Lian le Upadi lei in tuanvo ngeitu nih rit-hai hi zeitluk in dah tih a nun, rit-hai si hi zeitluk in dah mipi nih kan i ralrin ding asi ti pawl an chim.

Dr. Thang Tin Lian (Photo: CCN)

Cu hnu ah, Rit-hai si kong he pehtlai in zuk cawl (theatre) phunphun: No. 1 Basic Education High School (BEHS) nih ‘Hawikom Thim Thiam Usih’, No. 2 Basic Education High School (BEHS) nih ‘Mino Vialte nih Rit-hai si hi Doh Usih’, No. 3 Basic Education High School (BEHS) nih ‘Mino Hna nih Rit-hai Si hi Hrial Usih’, cun No. 4 Basic Education High School (BEHS) nih ‘Mino Kan Nunnak A Thancho Khawhnak Hnga, Rit-hai Si Pohpoh Hrial Usih’ timi pawl an piah.

Theater Piahmi No. 4 BEHS Siang-ngakchia Pawl (Photo: CCN)

Cu rit-hai si kong he aa pehtlaimi zuk cawl (theater) piahnak ah pakhatnak hmumi No3. BEHS, pahnihnak No2. BEHS, Pathumnak No. 4 BEHS tiin laksawng an pek hna __ cun hnemhnak laksong cu No. 1 BEHS zong an pek hna.

Vuanci Choh Salai Lian Luai nih Siang-ngakchia Laksawng A Pek Hna Lio (Photo:CCN)

Cun rit-hai si he pehtlai in paci, cartoon, poster le computer lei paci suainak tibantuk kutzung thiamnak phunphun zuamnak chungah, Chin ramkulh siang-ngakchia chungin pakhatnak, pahnihnak le pahtumnak a hmumi pawl cu anmah le catang hoih cio in laksawng an pek hna.

Rit-hai si aa pehtlai in zeitindah cozah nih a tawlrel timi video piahmi zoh dih hnu ah, zung thiamnak tete he an suaimi pawl zong an zoh hna tiah thawng kan don.

LEAVE A REPLY

Please enter your comment!
Please enter your name here