Rit-hai Si dohnak Ni (Photo: CCN)

Chim ramkulh chungin rit-hai si an chuah le tlaihnak peng cu Falam, Tonzang le Tedim peng an si tiah Chin ramkulh rit-hai si dohtu palik bawi sin in kan theih.

Ramkip Rithai-sii Hmannak le Phung Ning Loin Zuarnak Dohnak Ni (The Ceremony of International Day agiantst Drug) ah CCN nih ton biaruahnak a tuahmi ah Chin Ramkulh Rit-hai Si dohtu phu in tuanvo ngeitu Duh-ye hmu Pan Aung nih atu bantuk in a chim.

Cu kong he pehtlaiin, “Chin ramkulh chungah bingnak hi Falam, Tedim le Tonzaang ah an cin. Cun Falam le Tonzang ah hin Are 132 tluk bingnak an cinnak hmun zong kan hrawhpiak hna. Chin ramkulh ah a bik in Rit-hai si a rak luhnak hi India ram in a si i, More lei in a rak lut. ” tiah Duh-Ye Hmu Pann Aung nih a chim.

Hakha peng hi cu a hmun zong hi a kau, cun kanmah zong nih kan theihmi thawng a um rih lo __ a um zong a um kho, a um lo zong asi kho tiah a chim.

Nain, Chin mino hna lak ah zeitluk in dah rit-hai si hi an hman tiah kan hal tikah “Chim ramkulh ah hin, zeitluk in dah rit-hai si an hman/ an tongh timi cazin an ngei lo” tiah Palik Bawi Pann Aung nih a chim chap.

Cun 2019 chungah, Chin ramkulh ah zeitluk in dah rit-hai an tlaih kong cu, “2019 chungah hin Falam, Tedim le Tonzaang peng hna ah rit-si kan tlaihmi hna cu an um, Hakha ahcun kan tlaihmi a um lo. Kan tlaihmi a man tam u cu ting 5 hrawng lawng asi. Tonzaang peng tu ah, ting 10  leng man kan tlaih” tiah a chim chap.     

LEAVE A REPLY

Please enter your comment!
Please enter your name here