Iran biaknak lei hruaitu Ayatollah Ali Khamenei caah tinhmi tangka lei phihkharnak cu Iran cungah Donald Trump nih a vun tuah cang tiah VOA Burmese nih a tial.

Tutan phih kharnak nih hin Iran ngeihchiah Dollar million in thong tampi cu a hnorsuan ko lai tiah American Tangka lei Vuanci Steven Mnuchin nih a chim.

Iran nih US drone vanlawng an kahmi kongah tubantuk in phihkharnak kan tuahmi hi aa tlakmi asi ko tiah President Trump nih a him.

US nih Iran cu an tuahmi ruangah raltuknak in lehrul sehlaw Iran minung 150 hrawng an thi ding asi caah, President Trump nih caan zeimaw aa vun duh ah kan do than lai lo tiah a thanh than.

Cun tutan phihkharnak kan pekmi hna hi US nih kan lungsaunak kan vun langhtermi asi, nain hmailei ah kan lungsau peng lai tinak cu asi lo, cun mah hi zaangfahnak ah caan tha kan pekmi hna asi tiah Trump nih a chim chap.

LEAVE A REPLY

Please enter your comment!
Please enter your name here