AA (Arakan Army) le Kawl Ralkap raltuknak ruangah harnak a tong cuahmahmi Paletwa kan u-nau caah Hakha Hrambunh phu Youth Corner (YC) nih tangka ting 20 leng an bawmh hna tiah anmah YC Facebook Page hmangin thawng kan don.

Paletwa ah anmah YC tuanvo ngeitu an va kal i bawmhnak tangka hi an va pek hna nain, ralzaam pumpak cu an va tong kho hna lo tiah kan theih.

Bawmhnak Caah Lunglomhnak Roca YC sin ah Pekmi (Photo: YC Facebook Page)

Cu kong he pehtlai in YC Facebook paage ah, “Paletwa kan unau hna caah kut nan rak samh i kan i khawmhsawt mi cu tluang tein kan pek khawh cang hna. Ralzaam hna caah tiah an tuahpiak mi hna dorhmun cu caan chikhat ca lawng ah a rak si. Kan va phak tik cu aa rak dor mi kha an khua lei ah an rak tlung cang. Mithmuh kut tongh in kan va tong kho ti hna lo. Paletwa khuanu, khuapa nih hartong bawmtu phu an ser i, cuticun ralzam pawl caah khua an khan asi. Kan thawhvo zong cu anmah sinah kan pek ve hna.” tiah an tial.

Tubantuk in dawtnak kut a rak sawmhtu pawl cungah lunglomh bia chim pah in, hihi cahk le thlang caah u nau dawtnak alanghter tu asi tiah an tial chap.

YC Page ah, “Tangka zanga, thongkhat in a ting tiang a pe kho mi nan cung ah kan i lawm tuk. A zapi te ah 2,599,000 MMK asi. Chinram chak le thlang um unau kan i dawtnak a langhter tu nan si” tiah an tial.

Tutan ah bawmhnak a pe manh rih lomi YC chungtel in nan um ahcun pek rih khawh asi kong zong a langhter chap.

Cu kong he pehtlai in “Youth Corner chungtel nih kan rak kholh lio ah aa tanh manh lo mi nan um sual cun, Hakha um kan mino hna sinah rak thawh khawh rih asi. Paletwa hartong mi kan hawi le bawmhnak kong ah an timhtuah mi kong cu a tang lei link ah tlamtling deuh in rel khawh asi. Thazang rak chuah rih ko uh tiah kan nin nawl hna.” tiah YC Facebook page ah an langhter chap.

Youth Corner timi cu Mino nih Mirang ca le fim thiamnak lei ah thanchonak dingah tiin rian a tuan cuahmahmi phu pakhat an si.

LEAVE A REPLY

Please enter your comment!
Please enter your name here