Iran he raltuk ding cu ka duh lo tiah US President Donald Trump nih a chim __ cun Iran pawl he zong ceih-hmainak ngeih ka duh tiah a chim tiah VOA Burmese sin in thawng kan don.
Sinain, Iran nih hin Nuclear hriam a chuah ding cu zeitinhmanh in kan cohlang kho lo tiah Trump nih a chim chap.
Mah tu cu Iran he kan i tuk cit-cet ahcun, zeitikhmanh ah an ton bal lomi thazaang bak in kan nam hna lai tiah NBC tuahmi Meet the Press thawngfianternak ah Trump nih a chim fawn.
Iran nih hin Nuclear hriam an ngei awk hrimhrim asi lo, an duh ahcun mah kong ah hin kan i ceih-hmai lai, nain cucu an duh lo asi le caan saupi tiang chawleh lei harnak he an um ko lai tiah a chim chap.
Tuni (nikhat ni) ah hin phikharnak thar zong Iran cu kan pek hna lai tiah President nih a chim nain a dikthlir cu arak langhter lo.
American Dron vanlawng Iran nih an kahmi lehrulhnak ah, Iran a tuk lomi hi cu President Trump bia-chahnak hi a nemtuk, Iran hi a nemtuk in ruah ding an si lo tiah US humhimnak ruahnak petu John Bolton le Vice President Mike Pence nih an chim.
