Kawlram ah Vok Zawtnak (H1N1) in a thimi pa-nga an phan cang tiah nawl ngeitu (ministry of health and support) nih an chim tiah DVB sin in thawng kan don.

Khuacaan zawtnak H1N1 timi zawtnak cu thaw chuahnak in i chawnh khawhmi asi.

Cazin nih a langhter ningah H1N1 in a zawmi hi minung 14 hrawng an si cang i, a thimi hi pa nga an phan cang tiah tuni June 20 ah Nay Pie Daw ah tuahmi thawng fianternak ah an thanh.

A thimi hna hi, Yangon Ramthen in pali, Sagaing Ramthen in pakhat an si. Yangon Ramthen ah hin tambik a cang, cun Sagaing le Shan ramkulh le Nay Pi Daw ah hin a zawmi an um.

H1N1 a langh ning cu tak linh, hnap ti luan, hramfah, kuh, lufah le taksa fahnak te hna hi an si tiah theih asi.

Cu ruangah zawh a zual deuh si in a ran khawh chungin aa neih biknak sizung ah tlik pi dingah nawl ngeitu nih an langhter.

2017 ah khan H1N1 ruangah minung 97 an rak zaw i, 12 an rak thi tiah nawl ngeitu cazin hmang in theih asi.

Ref: DVB

LEAVE A REPLY

Please enter your comment!
Please enter your name here