Photo: Surbung Airport (Global New Light Of Myanmar)

Falam Surbung Vanlawng tual aa lim hnu lawngah Thantlang peng le Tedim pengah Vanlawng tual timh tuahnak thok asi lai tiah Chin World Media nih a thanh.

Thantlang le Tedim peng hna ahcun, vanlawng tual caah hin vawlei dirhmun a fek maw fek lo zohfel tiang lawng tuah asi rih tiah Sipin Vuanci U So Htet nih Chin World Media sin ah a chim.

“Surbung vanlawng tual ca hmanh ah hin 25 billion kyats tluk a dih tikah, hi bantuk a dang timhtuahnak cu kan tuah kho rih lo. Surbung caah hin budget cu kan thlak cang ko, 2020 ah hman khawh dingin timh tuah asi. Mah a dih hnu lawngah a dang tuah kan duh kan duh rih. Tedim le Thantlang ah tuah khawh si le si lo, vawlei feh le feh lo, an zohfel lio lawng asi rih” tiah Sinpin vuanci nih a chim.   

Vanlawng tual saknak ah hin, a tlawmbik hmun tha pe 4,000 tluk a herh, cu bantuk hmun cu Tedim le Thantlang ah hmun tha a um ko tiah theih asi tiah Sinpin Vuanci sin in theih asi.

Falam Surbung vanlawng tual caah hin tangka tling tein an chuah khawh rih lo caah, a satu kampawni pawl nih an hngah ko hna tiah theih asi.

Ref: Chin World Media

LEAVE A REPLY

Please enter your comment!
Please enter your name here