Rakhine ramkulh chungah Arakhan Army (AA) le Kawl ralkap an i kah hnu in, AA he pehtlahnak an ngei tiah lunghrinh i tlaihmi 50 leng cu tuni ah biaceih zungah an chuahpi hna tiah DVB nih a tial.

Tlaihmi hna hi anmah le sining cio tein lung hrinhmi hna an si i; My Oo peng Latka khua in 24, Yathet-tuang peng Kyuaktan khua in pariat, Myo Oo peng Auh-kaan khua in panga, cun Kyauktaw ah tlaihmi Phungki pahnih le mi sawhsawh 3 hna an si tiah theih asi.

Mah lengah Kyauk-taung, Chuangthit, Aung Mingala, Minpia peng Aiwan le Sittwe peng Kyauk-tan in minung 12 zong tuni ah zung an chuahpi hna.

Biaceihnak ah chuah pimi a cheu cu thong ah an khumh than hna, cun a cheukhat cu Palik sakhan hrennak khan ah an chiah hna __ a cheu khat cu an dam lo ruangah si thlop dingah nawlnak an tuahpiak hna, cun tlaihmi chungin siang-ngakchia pawl cu sualnak an ngeih lo bantuk in sianginn kai a zat cang caah chuah dingah nawlnak an tuahpiak hna tiah theih asi.  

LEAVE A REPLY

Please enter your comment!
Please enter your name here