June 24, 2019 ah kum thum kal cangmi cozah nih kum khat chung a rian tuannak le cawlcanghnak kong fianternak ah Hakha Post nih thawng lak lo dingin timh tuahnak a ngei tiah Chin World Media nih a tial.

Thawng latu phu khat nih bia-halnak phun thum lawng hal ngah, cun mah bia-halnak cu i hlan kan in cozah sin ah kuat a hau __ cu kong he pehtlai in duh lonak langhter dingah Hakha Post nih tu bantuk in thawng fianternak ah kal lo aa timh hi asi.

 “Chin ramkulh cozah nih an rian tuanmi kong thawng fianternak kan tuah lai an timi hi kan cohlan ko. Nain, an tuahmi hi media lei he aa peh-tlaimi asi caah, media phung zulh in a za-leenmi le a fiang-langmi asi hau. Tahchunnak ah bia-halnak pathu lawng hal ding, cun i-hlan-kan in bia-halnak kuat ding tibantuk kha a um ding asi lo. A hlan zongah mah tihin an rak tuah cang, atu cu an remh cang ding asi. Tu bantuk in remh loin an um peng ko ahcun, Hakha Post cu thawng kan la lai lo. Zalong tein hal khawh asi tiah an ti lawngah kan lak lai” tiah Hakha Post Chief Editor Pa Pui nih a chim.

June 24 ah tuah dingmi cozah thawng fianternak caah sawmmi thawnglatu phu (media) pawl nih bia-halnak a tam bik pathum cu June 17 ah kuat dingin Cozah nih sawmhnak caah an langhter.

LEAVE A REPLY

Please enter your comment!
Please enter your name here