Paletwa Peng Thanchuang khuami U Kyaw Aye cu, Rakhine Ramkulh Myo Oo market ah thil cawk a kalnak in a tlau i, tuhi ni 5 arau cang nain, zeihmanh a thawngpaang an thei rih lo kong cu chungkhat hna sin in theih asi tiah Chin World Media nih Khumi Media chirhchan in a langhter.  

U Kyaw Aye cu June 13, 2019, Nili ni ah khan Rakhine ramkulh ah a rak kal, June 14, 2019 ah khan zing suimilam 8:00am in Myo Oo peng, Sin Oo khua in Thanchaung lei ah kir aa thawhnak in, inn a phan ti lo, tutiang hi a thawng zong theih asi ti lo.

Sin OO in Thanchuang karlak hi Sat-hlay in suimilam paruk chung lawng kal asi ko nain, a tutiang hi a chuah rih lo caah chungkhar pawl an lungrethei taktak.

 “Kan kawltuk ko, a zeibantuk thawngpang hmanh kan thei lo. A tlaumi nih hin ei-din thilri pawl zong lawng in aa phorh chih tikah hin, ti chung a va pil si hmanh ah a neh-nang pakhatkhat cu kan hmuh ding asi. Cun a ruak zong hi a langh ding asi ko. Atu cu a zeihmanh kan hmu lo” tiah a tlaumi tupa U Muang Aung Oo nih a chim.

Arakine Ary nih an tlaih timi thawng a fehter rih lomi thawngpang cu Khummi sin chirhchan in Chin World Media nih alanghtermi asi.

LEAVE A REPLY

Please enter your comment!
Please enter your name here