Ral ruangah harnak tong cuahmahmi, Paletwa kan u nau pawl bawmhnak dingah tiin Hakha ah Committee an ser tiah Chin World Media sin in thawng kan theih.

Nizan, June 18 ah dirhmi Paletwa Bawmhnak Committee Chairperson Salai Elisama nih “Nizan ah khan tonnak meeting kan tuah. June 25-29 tiang Hakha khua chungah bawmh kan hal lai. Mah cu kan hmuhmi tangka cu Paletwa tiang kal in kanmah pumpak in kan va hlut hna lai” tiah a chim.

June 10 ah khan, Paletwa khuapi ah aa rak dormi hi minung 787 an phan cang; khuate panga in an ra i, inn chungkhar in 185 an si. Khua thum tu cu an kir than ngam cang tiah theih asi.

Paletwa ralzaam pawl bawmhnak dingah Falam le Mindat ah bawmhnak an hal i, Falam ah sing 35, cun mindat ah sing 36 an an hmuh tiah theih asi.

LEAVE A REPLY

Please enter your comment!
Please enter your name here