Israel Prime Minister Netanyahu nih Golan Heights timi cu US President Donald Trump¬† min, ‘Trump Heights’ tiah min a pek kong cu BBC News sin in kan theih.

Trump nih Jerusalem cu Israel khualipi asi ko tiah a rak thanhmi ruangah upatnak pek ruah ah tu bantuk in Netanyahu nih min a pekmi hi asi.

Mah min signboard tarnak sak cu an thok rih lo, nain Trump a min le US le Israel thanthar cu aa telmi singnboard cu an langhter cang.

Micheu a lung tling lomi nih cun tu bantuk an thil tuahmi hi, mipi lung laknak ah langhter sawhsawhmi, phung ningin nawl onh lomi asi tiah an ti.

 Nichuah Laifang ralpi (Middle East war) lio 1967 ah Israel nih Golan cu Syria sin in an rak chuhmi asi i, 1981 lio Israel nih tlamtling tein a lak tikah, Israel ram ah US nih tha tein theihpinak arak tuah.

Trump cu Israel hawi tha asi, tuni hi tuanbia kan tialni asi tiah PM Netayahu nih a chim. US palai David Friedman zong awn-nak puai cu a va kai ve i, hihi cu tuah a phu bak cun lunglomhnak zong tampi a um tiah a chim ve.

Tutan Trump Min an peknak hmun hi, Syria khuapi Damascus in thlanglei-nitlak meng 40 hrawng aa hlat ah a um i, 400 sq miles tluk a kau.

Tubantuk in Netayanhu timhmi hi Israel cabinet nih nai Zarhpi ni ah khan an rak fehter.

Ramkhel dotu pawl nih tukum September thimnak hlan ah zeih bantuk hmunhma hmanh phung ning tein min pek a ngah lo tiah an chim ve.

LEAVE A REPLY

Please enter your comment!
Please enter your name here