Daw Aung San Su Kyi min in cakuat tialmi pakhat cu, social media ah a hun lang__ cucu cakuat cu Daw Su nih hin, Than Shwe sin ah a tialmi si nih a dawh.

Mah cakuat cu Salai Lairam thang nih a Facebook Timeline ah a rak share i, “Mah bantuk lungthin ngeih khawh hi cu a fawi lomi asi. Hrawh a timtu, thah a timtu le a ral ca zongah thla a cam piak khotu, Kan pi lungput hi Bawi Jesuh nih kan ral caah thlacam a kan fial bantuk he khan a lo ngai. Kan pi nih Than Shwe sin ah a fanu vapa, thihnak kongah a lungthat lonak a tialmi cakuat a si” tiah a tial chih.

Salai Lai Ram Than nih mah cakuat photo a laknak (Credit) cu, Nay Shwe Thway Aung asi tiah a langhter chap.

Nithla 14, 6, 2019 khenhmi cakuat chungah “Dear Uncle, na fanu vapa Buhmu-choh Thein Khine a thih kong ka rak theih tikah, na chungkhar tluk tein ka ngeih a rak chia ve. Buhmu-choh Thein Khine hi, hmun-hma tha ah va phan hram seh tiah thla ka cam. Sizung ah Uncle an hmuh kong cu So Min Thu nih a chim. Uncle le na chungkhar cu lung deihnak le ngandam tein nan um khawhnak dingah thla kan campiak hna. Upatnak he, Aung San Su Kyi” tiah aa tial.

LEAVE A REPLY

Please enter your comment!
Please enter your name here