Tedim peng Mway Tuang tlangah phung ning loin lei-tang thil an lakmi kongah Zomi Revolutionary Army nih meithal kuan he ralrinak an pek hna.

June 13 nithla tial in, Zomi Revolutionary Army (ZRA) nih ralrin peknak an kuatmi hna chungah hin, U Than Aung min in an tial.

Ralrinnak cakuat chungah “U Than Aung, nangmah nih kan pupa ram Mway Taung ah lei-tang thil chuak cu, phung ning loin na lak lengmang timi hi tet-te he fek tein thawng kan don. Cu ruangah tuhi a voikhatnak le a hnu bik ralrinnak kan in pek. Tubantuk in pezulh in na lak rih ko ahcun, dot-hlatnak lei tuan tawn keel (revolutionary procedure) ningin kan in tawlrel lai” tiah an tial.  

Mway Taung ah hin, Chromate Metal pawl hi mawtaw ngan pahnih tluk an fir cang, cun tuhi tampi phorh dingah timh cia in tlangah an chiah ko tiah inntek pakhat nih a chim tiah Chin World Media nih a langhter.

Mah tlang ah hin lei-tang thil chuak cawh dingah Tuluk kampani nih 2012 ah khan project an rak chiah nain inntek pawl nih an duh lo caah an rak ngol tiah theih asi.  

Ref: Chin World Media

LEAVE A REPLY

Please enter your comment!
Please enter your name here