South China Sea, asi lo ah, West Philippine Sea ah Tuluk Tinbaw (vessel) le Phillipne nga tlai lawng an i pahmi kongah, hramhram in pahmi asi ahcun Philippines nih Tuluk he ram hnih pehtlaihnak an chah lai tiah ABS-CBN news sin in kan theih.

Tu bantuk in an i pahmi hi an tuah hramhrammi asi ahcun, ‘zia that lo bak asi ko’ tiah President zungin chim rel khotu Salvador Panelo nih a chim.

President Duterte zong nih tu bantuk thil cangmi hi mi thin phok asi ko tiah a chim ve.

Philippine ngaitlai lawng cungah aa citmi minung 22 cu, Tuluk tilawng he an i pah tikah, Tuluk Tinbaw (Vessel) nih an kaltak hna __ a hnu deuh ah Vietnam tilawng (Vessel) nih an rak khamh hna.

Tubantuk in Filipino pawl an kaltak hna ruangah Tuluk Cozah nih mawh Tinbaw cu dan tat dingah Philippine nih Tuluk cozah sin ah tiza an cuai.

“Nek in an tuahmi si pek si lo pek ah, an tuahmi thil hi thin phok taktak asi. Mi thangcho lomi thinlung put asi” tiah Philippine ramdang vuanci Teodoro Locsin Jr. nih a chim.

LEAVE A REPLY

Please enter your comment!
Please enter your name here