Hakha College ah, American Sayama nu pakhat, ca a rak chim lai tiah Burmese American Community Institute Inc. facebook page hmangin kan theih.

Ms. Amy Peddie hi, Southport High School, ah voi tampi cachim tha bik (best teacher award) laksong zong a ngah cangmi asi.

Hakha College ah hin, English le Leadership Development a chim hna lai cun College saya/sayama te pawl an thiamnak thanchoter ding zongah a bawmh chih pah hna lai tiah kan theih.

“Nai hrawng cun thial-kamnak ruangah Kawl rammi siang-ngakchia tampi US ah an ra hna. Cu tikah Kawlram nunphung kong hi ka rak theih. Cun fim cawnnak zong hi zeitindah an tuah timi ka rak theih. An nun phung le fim cawnnak kong theih lai hi kaa ngaih taktak. Khual tlawn a duhmi ka si bantuk in, midang nunphung lak ah va um hi ka caah a thami cawnnak asi ko lai tiah ka ruah. Tukum thaal chungah hin Hakha College siang-ngakchia pawl nih mirang caah, tampi an thangcho kho lai tiah kaa ruah chan: group cawlcanghnak, phundang tein khua ruah thiamnak le, zeitindah thil kan tawlrel lai timi hmangin kan cawng lai. Kum tampi ka thiam cangmi ca chimh dan va hrawmh siseh  cun anmah kawlram saya te sin in vaa i lak siseh kaa ngaih ngai. Tu bantuk in Kawlram ah ca chim dingah caan tha a ka petu, American Community Institute cung zongah lunglomhnak tampi ka ngei” tiah Ms Amy Peddie nih a chim.

Ms Peddie hi, French hol chimtu, Computer Application chimtu, le English chimtu zong caan saupi Southport High School ah a tuan cangmi asi.

LEAVE A REPLY

Please enter your comment!
Please enter your name here