North Korea nih mipi hmai ah, mi a za za in a thah tawnnak hmun pawl cu kan hmuh khawh cang tiah Seoul hram bunh  nuhrin covo phu Transitional Justice Working Group nih an chim tiah VOA Burmese nih a tial.

A hmun-hma dikthlir taktak langhter ahcun, North Korea cozah nih a hmun kha an hloh sual lai ti an phan caah ahmun taktak cu an langhter lo.

An thah hna nak hmun hi tiva, lei kuang le tlang, cun dawr le sianginn hna zong an i tel tiah Transitional Justice Working Group ca-thluan nih a langhter.

A zaza in an thah cangmi hna chungah hin cozah rian tuan sangsang zong an i tel, North Korea hruaitu Kim Jung-un a ttang (uncle) zong aa tel tiah an langhter.

Cu bantuk cun American le North Korea karlak Nuclear kong ceih-hmainak a tlam tlin lo caah, ceih-hmainak ah aa telmi North Korea upa pawl cheukhat zong thah an si tiah an langhter chap.

Nain cu bantuk an thahmi hna thawng hi, fehter ngam cu asi tuk lo, ziah ti ahcun South Korea nih North Korea nih a thah tiah thawng a thanhmi cheu khat cu an nung in hmuh than an si tawn.

LEAVE A REPLY

Please enter your comment!
Please enter your name here