Kachin ramkulh Moe Ngin Myo, Sizung pi ah nizan (June 10) zing suimilam 7:00 hrawngah khan, ngakchia chuak-kaa an hlonhmi ruak an hmuh tiah DVB nih a tial.

Nawl ngeitu nih an dot-hlat tikah, So Sanda Tan timi nu nih a thi cia in a hrinmi a fa cu zunput chungin a lengah a hlonhmi asi tiah an chim.

Mah nu hi sizung ah aa rak piah, cu ti cun sizung a um lio ah nau aa rawk caah, a thi cia in nau cu a chuak i tu bantuk in zunput chungin lengah a hlonh hi asi tiah an chim.

Moe Ngin Peng, Maw Han khua minu Soe Sanda Tan cu, sizung pi ah thlopbul cuahmah lio asi ko tiah theih asi.  

Kum 17 lawng si rihmi Soe Sanda Tan cu, sual bia ceihnak upadi 318 tangah, Palik bawi Kyaw Min Naing nih tiza a cuai tiah theih asi.

LEAVE A REPLY

Please enter your comment!
Please enter your name here