Rakhine ramkulh, Padekyaw Khua-Oh-Suh Khuabawi nih Khirhfa pawl cu hramhram in Buddhist ah thlen dingah min a thut-ter hna __ an thut lo ahcun khua-oh-suh in kan dawi hna lai tiah a hro-cer hna tiah CHRO nih June 10 ah a chuahmi chuah-ca hmangin kan theih.

May 24, 2019 ah khan, khuabawi le khua nupa telh in, Khrihfa U San Swe Maung le U Aung Thein cu khua i phungki biakinn ah an uah hna i, Buddhist ah i thial dingah an hnek chih hna, min zong hramhram in an thut-ter hna tiah theih asi.

Cun May 25 zongah khan, Khrihfa U San Tin Maung zong cu Phungki pa nih a auh i, khuabawi zungah hram hram in min a thut-te___ min na thut lo ahcun khua in kan in dawi lai tiah an tlerh caah a duh na loin a thut.

Tubantuk thil an tuah hi atu lawng asi lo, tu he cun voi thum asi cang __ 2018 lio zongah khan hramhram in min an rak thut-ter hna caah a zaammi zong an um tiah theih asi.

LEAVE A REPLY

Please enter your comment!
Please enter your name here