Chin ramkulh, Paletwa Peng chungah, Vuanci le biaknak lei rian tuantu pawl cu thah dingin hrocernak Facebook chungin a rak chuakmi kongah, dantat dingah tawlrel cuahmah asi tiah VOA Burmese sin in kan theih.

“Kanmah vuanci pawl cu Online ah a kan post. Cun vuanci hlun Issac Khan kha an rak post rih. Kan thah hna lai. Kan hloh hna lai ti in an tial. Cun khrihfa biaknak rian tuantu Steven zong cu, mah pa hi kan hmuhnak ah kan thah lai tiah an tial chap. Tubantuk in huatnak bia in nunnak lak tiang ca tialtu pawl hi kawl in dantat dingah timh asi. Tubantuk in an tuahmi hi Account deu in an tuahmi asi. Mah pawl khamnak ding caah mah pawl hi dan tat an hau” tiah Sinpin, Letik le Sat-hmuh Vuanci U Soe Htet nih a chim.

Tubantuk in hrocernak ca tialtu account tuahtu pawl hi tang 10 tang ngakchia hrawng an si, cun cozah rian tuantu zong an i tel tiah a chim.

Facebook cungah tu bantuk an tialmi nih miphun buainak tiangin a chuahter khotu thil a si caah dan tat hrimhrim a hau tiah U Soe Htete nih a chim chap.

LEAVE A REPLY

Please enter your comment!
Please enter your name here