Tuni June 8, 2019 ah Hakha College of Education in siang-ngakchia pawl nih Hakha khuapi chung lam hna ah hnawm an char tiah theih asi.

Lampi simi Bukyauk lampi, Matupi lampi hna ah tu bantuk in siang-ngakchia nih anmah lungtho tein hnawm an char hi asi.

Hnawm An Char Lio (Photo:Philip Nun Uk Thang)

“Tu hnawm kan char hnawhchannak a ruang cu kan khuapi hi thiang seh ti kan duh. Lam cung le lam kam hna ah an duh poh in hnawm an hlonh. Mah pawl nih hin kan charmi an hmuh ahcun, an lung tha lai lo i, an i sum deuh lai. Cu ti cun, kan khuapi hi a thiang deuh men lai timi ruahnak he kan charmi asi” tiah hnawmcharmi siang-ngakchia pakhat nih CCN sin ah a chim.

Hnawm An Char Lio (Photo: Philip Nun Uk Thang)

Atu hnom an char dih in, hmaizarh lei ah khua a that ah cun Hakha-thar lei zongah khin char an i tim rih tiah mah pa chim ningin kan theih.

Tutan hnawmcharmi hna hi, College of Education, Hakha in Siang-ngakchia bu pawl fonh in, anmah siang-ngak chia hruaitu pawl tlang-tlaknak in an char hi asi.  

LEAVE A REPLY

Please enter your comment!
Please enter your name here