Photo: Mizzima

Tuni June 8, 2019 ah tanghra awng cazin a chuak i, Chin Ramkulh awng-cazin hi nikum nak in a tha deuh ko nain, Kawlram chungah cun a chia bik asi thiam ko.

Chim ramkulh chung huap in, tukum ah tanghra a awngmi hi 19% a an si i, cucu nikum nak in 2% a kai deuh tiah kan theih.

Ram Pumpi Awng-cazin Stats

Nain, rampumpi huap in kan zoh tikah, ramdang in a rak phimi hi 44% hrawng an awng, Yangon le Mandalay in 32% hrawng an awng, cu lio ah Chin ramkulh cun 19% hrawng lawng an awng.

Chin ramkulh a changtu a chia bik cu Rakhine ramkulh asi i, 23% an awn caah Chin ram nak in 4% in an tam deuh rih. 

Tukum chin ram chungin kung-htoo (Distinction) tam bik cu 5D asi i, Hakha No.1 BEH (Basic Education High School) ah a kaimi asi. Amah hi, nikum ah khan Sanpiah sawng ah a rak um, dam lo ruangah a rak phit khawh lo caah,  Kalay Myo YC Sawng ah a va kai i, cun Hakha No. 1 in a phimi asi.  

Cun a vun changtu hna cu 4D – 3D an si i, an phanih tein Sanpiah Sawng in a phimi hna an si tiah theih asi.  

Cun 1D a hmumi hi cu an tampi tiah theih asi, Sanpiah sawng lawng hmanh in minung paruk nih 1D cu an hmuh tiah theih asi.  

Tukum Chin ramkulh ah a mark sang bik top 10 hna cu: Hakha in 7, Tedim 2, Matupi 1 tiin an si tiah thawng kan don.  

LEAVE A REPLY

Please enter your comment!
Please enter your name here