USA ah Chin pa, kum 13 te cu Des Moines chak lei Luther King Jr. Parkway, 4200 Block ummi tuah chommi tidil (man made pond) ah a tla i, kan hnu zarh Zarhteni ah khan a thi tiah Des Moines thawngzamh nih a tial.

Tangsarih a kai liomi Van Cin Lian hi Pu Lal Eng Zau le Pi Van Lal Ven hna i an fapa asi.

Min din ah James tiah an auhmi Van Cin Lian cu a hawi le he ti an i lionak ah tu bantuk in a tlak hi asi.

James cu a thihnak tidil ah tilio an kal ah hin, a hawi pa Kaw Htoo, kum 13 he an si.

Kaw Htoo nih ti lio na thiam maw tiah ka hal tikah ‘thiam pah ko’ tiah James nih cun a leh.

Tilawng an i ken ko nain, ti thuhnak an phak tikah ti an i lio i tu bantuk hin a cang.

Htoo nih hin, a hawipa James cu bawmh dingin a hei zuan hnawh ko nain, James nih a vun tlaih tikah ti chungah a pil i a chanh kho ti lo.

Cu tikah Htoo nih bawmh hal ah lengah a va chuak i, an rak kirthan tikah cun James cu ti chungah a rak pil cang.

A thihnak tidil hi, a tawnel ah a khuarh hleimi pawl khi an um i, a khuarh hleinak zawn tete pe hlei hnih leng pipi an thup lai tiah Palik nih an chim.

Nawl ngeitu nih James ruak kawlnak ah hin drone video thlaknak, tilawng le tipil thiammi pawl hmangmi an kawl, 911 an auh ahcun a tlaknak hi suimilam pahnih hrawng asi cang.

James cu Meredith Middle School ah sianginn a kaimi asi i, a thluak thami le mi zawn ruah a thiam ngaimi asi.

James le chungkhar USA an phaknak hi kum li hrawng a rau cang.  

LEAVE A REPLY

Please enter your comment!
Please enter your name here