Rakhine ramkulh, Minbya Peng, Spa Htar khua, phungki biakinn cu hriam-ngan nih a khen ruangah minung pasarih an thi tiah Myanmar Times sin in thawng kan theih.

Tutan bom nih a khennak Phungki biakinn ah hin, AA le Tatmadaw an i kah ruangah aa dormi pawl an um tiah theih asi.

 “Bom nih phungki biak inn a vun khen. Minung pasarih an thi, mah zat baak hrawng cu an i khawng” Minbya Peng,  Spa Htar khuabawi U Myo Kyaw Aung nih a chim.

Khuami 800 tluk hi, zaam an i tim nain hriam an kahmi nih a hren ko hna, ho nih dah mah bom hi a kah timi zong kan thei lo, Kan thi dih lai tiah kan ruah tiah a chim chap.

Ralkap bawi Zaw Min Tun chimnak ah, ralkap lei nih cun mi an thihmi hi a fehter rih lo, cun mah a kap tuhi AA an si ti asi.

AA lei in tu bantuk in an kah ahcun, khua caah tih a nung chin ko lai tiah a chim lio ah, AA lei nih cun Tatmadaw kahmi asi tiah an chim ve.

Thla kua chung buainak a can hnu ah minung 30,000 tluk nih an umnak inn an chuahtak i an zam cang hna tiah theih asi.

LEAVE A REPLY

Please enter your comment!
Please enter your name here