Passport tuah tikah mah tein tuah hi a tha cem, tangka dihmi zong a dik cun a ran zong a rang deuh. Passport tuahnak ah a herhmi pawl cu NRC Card (hmah-pung-tin), chungkhar cazin copy pathum, ball pen, cun tangka 35,000 lawng a herh.

Yangon ahcun zing tuan te ah Passport tuahnak zung phak a hau lai, puai-sa pawl khi 9am hrawng cun an rak phan tawn i khat lak in an dir cang tawn caah asi. Hakha ahcun mi an tlawm ko i, a poi lem lo.

Passport hi phun sarih a um cu hna cu: PV (Passport for Visit), PS (Passport for Seaman), PB (Passport for Business), PE (Passport for Education), PJ (Passport for job), PR (Passport for Religious), le PD (Passport for Dependent) hna an si.

Hi pawl chungin Rian tuan ah ramdang kal aa timi caah cun PJ, fim cawn duhmi caah PE, Tinbaw/Rili cung rian tuanmi caah PS, cun a tlawn sawhsawh in tlawn a duhmi caah cun PV tiin hman an si.

Passport tuahnak ah form na phitmi na kut tial a fian khawh chung fiang in tial i zuam, Passport a chuah hlan ah na min le chuah kum ti bantuk tete an in zohter lai, mah tikah khan palhnak um lo dingin ralring tein zoh.

PV hi a tuah a fawi cemmi asi, form na phit nak ah khan, lennak (Visit) tiin na phit lai a ngah ko. Sianginn kai naa timh i PE hna tuah naa timh ahcun, ramdang sianginn catlap pawl a herhmi tete an tam ngai lai, calling letter hna zong a hau lai.

Passport a ngei ciami na si i, na passport a thih cang hnu ah na va tuah than asi ahcun, dantat na huah lai caah a zaa tein 65,000 na dih a hau lai.

Na passport na thlau si lo a tlek/ti nih a cinh a asi ahcun, thawngzamh pakhat khat sin ah na thlau kong kha thawng thanhter an hau lai, mah hnu lawngah ca-uk a thar tuah khawh asi lai, cun dantat thiamthiam na si lai.

LEAVE A REPLY

Please enter your comment!
Please enter your name here