Toyota Motor Corporation nih 2021 February thok in, Toyota Myanmar Co Ltd (TMY) an dirh lai cun, Kawlram ah Hilux mawtaw pawl an chuah lai tiah Myanmar Times nih a tial.

Tu ah Toyota nih Kawlram ah Hilux, Vios, Rush le Toyota a dangdang mawtaw pawl an zuar cuahmah, nain atu cu amah Sehzung hrimhrim cu Yangon, Thilawa Special Economic Zone ah an dirh lai tiah theih asi.

Tutan sehzung saknak ah hman ding hi US$ 52 million hrawng asi lai tiah zumh asi. Sehzung  SKD thiamnak hmangin nih 2500 Hilux pawl chuah a timh, rian tuantu 130 hrawng rian khumh dingin aa timh.

TMY caah a dih ding tangka 85% cu Toyota nih tuanvo a lak laic un a dang tangmi 15% cu Toyota Tsusho Corporation nih tuanvo a lak lai.

2018 chungah Toyota nih a mawtaw 18000 bak Kawlram chungah a zuar, cucu mah hlan kum nak in let 21.1 in a tam deuh tiah Toyota nih an chim.    

LEAVE A REPLY

Please enter your comment!
Please enter your name here