Rakhine ramkulh chungah Kawl ralkap (Tatmadaw) le AA karlak ah kahnak a dai kho lo tiah VOA Burmese nih a tial.

“May 28 zing 8:00am ah, Yetetdaung le Buthidaung karlak, Yetetdaung Peng Tat Pie Khua le Buthidaung Myo karlak Tine Tuah Boad karlak tiang kahnak a cang. Tutiang ah cun a thi lomi cu an um lo” tiah AA lei in tuanvo ngeitu Khine Thu Kha nih a chim.

Nizan nikhat te kha cu Kahnak a cang lo nain, Tatmadaw nih Yetehdaung, Pung Na Kyun, Kyaukdaw peng lei ah bum in hmun ruk hrawng an kah tiah a chim chap.

May 26 zong ah khan,Tatmadaw phortu tilawng cu Kaladan tiva chungah AA nih an kah hna, cun Nuu Buu khua lei zongah kahnak a cang fawn __ mah kahnak ah hin, bawi telh in Tatmadaw lei 35 an thi tiah AA nih an chim.

Cucu ralkap thih lohnak kongah VOA nih Tatmadaw lei an hal hna tikah, asi ko an thi kho tiah an fehter.

Raluk ruangah inntek minung 40,000 leng cu ramchung ralzaam (IDP ro Internally Displaced Persons) dirhmun in an zam hna i, harsatnak tampi an tong tiah theih asi.

LEAVE A REPLY

Please enter your comment!
Please enter your name here