Nai te ah MP a hmumi India mintamin pahnih nih nithlak lei thilthuam he Social Media ah an hmanthlak an post mi cu Social Media ah pawt taktak.

Mimi Chakrborty, kum 30 le Nusrat Jehan, kum 29 nih bawngbi sua le angki hruk in Twitter ah an vun tarmi hmanthlak cu ‘duh an nung lotuk’ tiah soisel an tong.

Nain, micheu nih cun an thilhruk hi a biapi lo, an tuahmi rian hi a biapi ko, an tuanmi nih bia a chim te ko lai tiah a thatnak in a hmumi zong an um ve.

“Kei cu mino hna ai-awhtu ka si caah anmah bantuk tein kaa hrukmi hi an i uanthlai awk asi ko” tiah Chakraborty nih BBC sin ah a chim.

Hi hna pahnih nih hin MP an rak i cuh lio ah  West Bengal ramthen ah, sang ngai in teinak an rak hmuh. Mah hna pahnih hi, Bengali Film vawlei Tollywood timi ah minthang taktakmi pahnih an si ve ve.

Anmah pahnih telh in Trinamool Congress Party nih tickets a pekmi hna hi 17 an si, cu tikah Ramkhel lei aa zuam mi chungin 41% nu an si hi, a voikhatnak asi.

LEAVE A REPLY

Please enter your comment!
Please enter your name here