Phun-tanh kal-sual Phungki U Wirathu cu Biaceih bawi nih thlaih ding ah nawl (arrest warrant) a chuah cang tiah VOA Burmese nih a tial.

Yangon Ramthen nawl ngeitu nih tu bantuk in U Wirathu cu upadi 124 (A) in tiza an cuai caah tu bantuk in bia-chahnak an tuah hi asi.

Anmah phungki hawi lila nih Wirathu hi phun-tanh, biaknak tanh kal-sual pawl ruangah biaknak le miphun karlak huatnak a karh lo dingah U Wirathu cu tlaih ding asi ko tiah an lungtlinnak kong a chim ve.

Phungki Min Thu Kha nih, U Withura cawnpiaknak hi Buddha biaknak tlaih-tleng he aa kalh, cu ruangah kan biaknak a hnawmhtertu le minchiat-tertu asi tiah a chim chap.

April 29 ah khan, U Wirathu nih Mait Myo ah bia a chimnak ah, a hlan cozah nih cun thingkung le kokek thil pawl an rak fir, nain atu cozah nih cun rammi kaa chungin an purh i an fir tiah arak a chim.

Cun May 5 ah, Town Hall hmai i lamzawh lio ah U Wirathu nih Hluttaw chungah ralkap pawl kha pathian biak in rak bia hna uh tiah a rak chim bal chap.

U Wirathu cu biaknak huatnak, phu dirh duhnak, upadi fehternak donkhantu biachim ruangah, Kawlram chung Buddha Phu Komh nih phung chimnak nawl cu 2017 March ah an rak phihmi asi.

Cun Facebook zong nih huatnak bia chim le post raungah, 2018 February thla ah, a hman liomi account cu an rak phih piak fawn.

___ VOA Burmese

LEAVE A REPLY

Please enter your comment!
Please enter your name here