Germany ram ah mawtaw rangtuk in a mawngmi pa cu €105 (£93) dantat nak in thuro raang te nih a khamh tiah tiah BBC nih a tial.

Rangtuk in mawtaw a mawngmi pa cu, Camera nih a tlaih ko nain thuro te nih a vun huh-phanh caah hmanthlak ah a ho si an thei kho lo.

Palik chim ningah”Aa tongthiammi asi lo, Thiangthla Rau bak asi ko” tiah a chim, Khrihfa biaknak ah Thuro cu thiangthlarau hmel-chunhnak ah hman asi.

Cun “Tu bantuk hmelchunhnak hi kan theihthiam caah, rangtuk in a mawngmi pa cu dai tein kan lanhter ko” tiah a chim chap.

Viersen in nawl ngeitu lei nih cun “Tu bantuk in cunglei hmelchunhnak hi mawtaw mawngtu zong nih aa fiang theo lai i, hmailei ah cun tha tein a mawngh ko cang lai” tiah an chim ve.

30km/h lawng mawngh ding simi lam ah, mipa nih cun 54km/h bak in a mawngh tiah Palik nih an chim.

LEAVE A REPLY

Please enter your comment!
Please enter your name here