Arakan Army (AA) he raltuknak chungah Kawl Ralkap (Tatmadaw) nih raal lei sualnak (war crime) an tuah tiah Amnesty International ca-thluan nih a langhter.

Kawlram luatnak ni January 4 ah, AA nih Rakhine ramkulh ah Palik sakhan cheukhat an rak tuk hnu in, Tatmadaw nih an vun lehrulh ve hna nak ah, phung ning loin thahnak, phung ning loin tlaihnak, tuk le hremnak hna ti bantuk in nuhrin covo buarnak pawl an tuah tiah an langhter.

Tatmadaw lei lawng si loin, AA lei zong nih mi sawhsawh tlaihnak telh in nuhrin covo buarnak zong an tuah ve tiah ca-thluan nih a langhter chap.

Rohingya pawl cungah minung hawi cungah sualnak an tuah hnu kum hnih a tlin hlan ah tu bantuk in Tatmadaw nih sualnak an tuah hi asi tiah an langhter kong cu VOA Burmese sin in thawng kan don.

LEAVE A REPLY

Please enter your comment!
Please enter your name here