Myit Sone project minthut kong cu, thla khat chungah mipi sin ah thanhfian ding, cun cu minthut cu copy (Xerox) in pek dingah Project Dohtu Phu nih an hal tiah VOA Burmese nih a tial.

Mipi cozah an kai hnu in, Myit Sone project cu hrawh asi rua lai tiah, kan i ruahchan ko nain cucu a tlamtling lo tiah Project Dohtu Phu nih an chim.

“Kawlram lei in tuanvo ngeitu le Tuluk ram lei in tuanvo ngeitu kap hnih nih an thutmi Myit Sone Project Minthut cu May 28 in June 28 chungah rammi sin ah langfiang tein theihter ding ah le, cucu minthut cu copy (Xerox) lak khawh dingah kanmah Project Dohtu leiin kan hal hna” tiah Project Dotu in tuanvo ngeitu U khin Soe nih a chim.

Project Dohtu Phu timi cu rampumpi huap in Pawngkam Lei Thiamsang (Environmental Specialists), Upadi lei thiamsang pawl telh in phu (network) 50 tluk nih an dirhmi phu asi tiah theih asi.

 Tutan ah halmi bantuk in mipi sin ah theihternak an tuah lo asi ahcun, meeting kan tuahthan lai, cun mah project a rawh tiang hi kan cawlcang ko lai tiah an chim chap.

Mah Myit Sone Project hi, 2016 lio ah khan No. 1, Ministry of Power and Energy le Tuluk ram CPI Kampani min an rak thut.

Min thut hnu in, mipi nih an duh lonak an langhtertuk caah, tuah khawh loin tutiang a um. President Thei Sein chan lio ah, cikkhat ca in project cu rak ngol chung a rak si tutiang  hi an ngol ko.

LEAVE A REPLY

Please enter your comment!
Please enter your name here