Rakhine ramkulh, Maungdaw Peng, Lait Ya (North) khua ah, ARSA (Arakan Rohingya Salvation Army) chungtel pakhat an tlaih kong, cun Bangladesh ram raalzam dornak ah ralhrang ARSA tintan a dih cangmi pawl an um kong cu Kawlram Ramchung Humhimnak (Home Security) lei nih an chim.

May 23, suimilam 10:45 am hrawngah Bangladesh ram, Cox Bazaar peng ummi Samaku ralzaam dornak in phung ning loin Kawlram ah arak lutmi ARSA chungtel Muhamad Husein @ Hussein Mulla, kum 22 cu an tlaih tiah theih asi.

Hussein cu Maungdaw Peng, Kyi Kan khua ah a nu le pa chungkhar he an rak um i, 2017 August ralhrang buainak khan, Bangladesh ram Cox Bazaar peng, Sumaku dornak ah an rak zaam i, cu kaa cun tung-bing (tri-cycle) cikkhat a rak mawng tiah theih asi.

Sumaku dornak ah cun ARSA, bawi Majuhar, kum 35 nih mithar arak khomh hna lio ah 2018 ah ARSA ah, Hussein cu a rak lut ve, cun a dang minung 50 hna he ARSA tintan thla khat an rak kai tiah theih asi.

Tu ah hin Sumaku ah cun Hussein telh in ARSA tintan a dih cangmi chungtel minung 40 hrawng an um ko tiah theih asi chap.

Tutan tleihmi Hussein cu Palik nih ralhrang dohnak upadi 52 (A) in, an dot-hlat cuahmah lio asi tiah DVB nih a tial.

__ DVB

LEAVE A REPLY

Please enter your comment!
Please enter your name here