Paletwa Peng Khamaungwa khua ah hram-thlami Ralkap LID (Light Infantry Division) 77 nih, khuami pawl le raal hrial zaammi (IDP or Internally Displaced People) pawl cu hramhram in paw-ta (porter) an phorh-ter hna tiah CHRO nih May 24 nithla he an chuahmi chuah-ca hmang in kan theih.

Paw-ta phorhtermi chungah kum-khua lei upami, Khrihfa poster pawl le nu pawl, cun IDP pawl zong an i telh tiah theih asi.

Khamaungwa khua hram-thlami ah Ralkap (Tatmadaw) ei-ding (rations) le thilri pawl cu Platwa in Miza tiang lawng in an phorh cun Miza in Cuanchaungwa khua tiang mawtaw-saikal in an phorh, cun cu kaa cun Khamuangwa tiang hi, ke-bak in paw-ta nih phorh.

Cu ti an phorh ah cun, facang tu khat caah 8,000 kyats pek an si __ tun khat cu pahnih nih an i then i an phorh caah, pakhat ah 4,000 kyats lawng an ting tinak asi, cun thil daang a phormi cu nikhat nihlawh caah 5,000 kyats pek an si tiah theih asi.

Cucu paw-ta phorh cu tuah hrimhrim ding asi caah, innchung khar pakhat nih a phortu ding pa a ngeih lo ahcun nu nih an phorh hrimhrim a hau __ voikhat phorh ah hin a tlawmbik pasarih lengmang cu an i tel tiah inntekmi pakhat nih a chim.

Tu bantuk phorh hi cu, keimah caah miaknak zeihmanh a um lo, kan khua bawi nih hramhram in a ka fial caah ka phorh, voikhat ka phorh ah hin ka baa tuk i ni hnih thum lengmang cu zeidang rian tuan kho lo in dinh a hau, kan hnu ka phorh zongah ni thum bak kaa rak din tiah paw-ta phormi pakhat nih a chim.

Hi kongah “Ralkap nih bawmh a kan hal tikah, ka al ngam ve hna lo. Ka al hna ahcun, kan cungah pakhat khat thil an tuah lai ti ka phang. Cun phorh men kan pek hna lai tiah, an ka ti fawn. Cu ruangah tu bantuk in khuami pawl cu ralkap paw-ta phor dingah ka fialmi hna asi tiah” khua bawi pakhat nih a chim.

LEAVE A REPLY

Please enter your comment!
Please enter your name here