Dum rian tuanmi a nu le pa nih Anna Ocegueda cu degree lak ah, a keh le orh in an dir hnawhnak hmanthlak nih Twitter ah mi tampi lung a lak ngaingai.

Mexico in US ah a rak pemmi  Anna Ocegueda chungkhar lak in amah cu a voikhatnak bik degree la ding asi __ amah le chungkhar lawng hmanh si loin, vawlei cung pumpi in a degree lak cu an lawmhpi.

University of California in degree ka lak khawhnak hi ka nu le pa ruangah asi tiah, kum 22 simi Anna Ocegueda nih Twitter ah a vun post.

Spain holh in “Por ustedes y para ustedes” tiah a aw chuahmi in, a hmanthlak ah caption a chiah, as  sullam cu ‘nanmah thawngin asi’ tinak asi.

An chungkhar hi Mexico in a rak pemmi an si i, a nu le pa nih hin Orange Cove dum in, thingthei lawh tein an cawmmi hna an si.

Hmanthlak chungah cun Anna Ocegueda nih degree laknak thuam aa hruk i, a nu le pa cu dum ah rian an tuannak thilthuam tein an um. Anna Ocegueda le a hawi lei (classmate) pawl nih cu tibantuk in hmanthlaknak in ramkhel sining kong langhter an duhnak asi __ cu hmanthlak cu global arts studies pawl caah assignment ah pek an si.

Anna Ocegueda nih hin, Twitter ah ka chiah lai i, mi tampi nih rak zoh hna sehlaw vaak (viral) seh ti cu aa rak ruahmi asi lo nain, a hmanthlak cu minung 4,000 tluk nih tweet than i, minung 1,600 nih an like cang.

LEAVE A REPLY

Please enter your comment!
Please enter your name here