Chin Youth Organization of North America tawlrelnak in Hakha ah intern a rak tuahmi USA Chin siang-ngakchia pawl le mino, le Chin sianghleirun siang-ngakchia hna nih hmuhtonmi ruahnak le ton biaruahnak cu Chin ramkulh Khualipi Hakha, CHRO Office ah tuni ah an tuah.

Mercy Van Nun Par nih Biacim Lio (Photo: CHRO)

Ton biaruahnak ah USA in Hakha ah Intern arak tuahmi Hram Sang (Human Resource Management 4th Year), Ester Hniang Cer (Mechanical Engineering 2nd Year), Mercy Van Nun Par Zaathang (BA, MS 2nd Year in Political Science), Lucy Iang Men (Sociology 2nd Year) le Monywa University in Cer Len Ci (International Relation, Hons 2) hna nih hmuhtonmi hna nih bia an chim.

Cer Len Ci Biachim Lio (Photo: CHRO)

Ton biaruahnak ah Yangon ah Information Technology kum 2nk kai liomi Van Kim Mawi nih caan tlaih (facilitator) hna, CHRO Executive Director Salai Bawi Lian Mang nih donnak bia a chimpiak hna i, biaruahnak an thok.

US lei in a rak tlungmi Mercy Van Nunpar Zaathang nih, “Growing Up in Myanmar Vs. USA”, Lucy Iang Men nih “Personal Experience”, cun Ester Hniang Cer nih “Experience Sharing” tiin biachimnak an ngeih.

Cun Monywa University in IR a kai liomi Cer Len Ci nih, Kawlram fim cawnnak le hmuh tonmi kong a chim ve.

Bia rauh dih hnu ah, khat le khat biahlanka le cieh-hmainak in caan an hmang.

Tutan ah a bik in an ceihmi pawl cu, zeitluk in dah US le Kawlram fimcawnnak aa dan, zeitindah fim cawnnak ah cawn ding (course) pawl kan thim lai, cun zeitindah kan cawnmi cio ah thazaang kan chuah lai timi pawl an i ceih hna tiah thawng kan theih.

Tu bantuk biaruahnak hi thaizing zongah, Falam ah an ngeih chap lai tiah theih asi.

__ CCN

LEAVE A REPLY

Please enter your comment!
Please enter your name here