Chawleh lei rian tuannak tik cozah he pehtlai tikah laksong asi lo ah, tangka pek lo ahcun harnak a um ko tiah a titu hi 90% an si tiah tiah Survey nih a hmuh chuah tiah Myanmar Times sin in kan theih.

Mah survey hi ei-hmuar dohnak kawmisin (ACC or Anti-Corruption Commission) nih an tuahmi asi i, zeitin dah mipi nih cozah chungah ei-hmuarnak kong hi an hmuh timi theih duh ah an tuahmi asi.

Survey nih a hmuh chuahmi le, Kawlram ei-hmuarnak cu vawlei cung ei-hmuar tahnak fung (corruption index) ah Kawlram dirhmun he aa vun zuldawi ngai __  Kawlram cu ram 180 chungah ei-hmuar thian hlimhnak ah 132nk ah a um.

2018 lio ah khan Ei-hmuar dohnak Kawmisin (ACC) sin ah reports a phanmi hi 10,000 leng a rak phan, mah hlan kum li lio ah a phanmi nak in let hnih asi.

Survey a phi chuak nih a langhtermi cu ei-hmuarnak a zawr hlei lo caah hin, ACC thil tuahmi hi, cu ti pi in a hmual ngei lo tinak asi.

Survey ning ah, ei-hmuar a tam biknak cozah zung pawl cu, Palik (Police), Biaceih zung (Court), Sinpin (Municipal), Lahwah kah (Department of Migration and Population), Me Sa Yin (Land Record Department), Passport Tuahnak Zung (Passport Department), Internal Revenue Dept., Customs Department, Fim Cawnnak (Department fo Education), Ngandamnak le Zaangcelhnak Zung (Health and Sport), Letik Mei zung (Electric and Energy), Tit-taw (Forest Department), Live Stock and Fisheries, MOC (Ministry of Construction), le Pawngkam le Kokek thil zoh khentu Phu (Department of Natural Resource and Environmental Conservation hna hi an si.

___ Myanmar Times

LEAVE A REPLY

Please enter your comment!
Please enter your name here