Chin ramkulh, Hakha Peng, Bungzung Khua ah nikhat ah Biletmae (Cement) tun 100,000 a chuah khomi Biletmae Sehzung (factory) ser asi lai, cun tlawnglawng lam zong sak chih asi lai tiah Chin World Media nih a tial.

 “Buzung ah Biletmae Sehzung kan tuah ahcun, nikhat ah tung ting 1 a chuah khomi asi lai. Tun ting 1 a chuah ahcun, Chin ramkulh GDP hi a kai ngamsam lai. Mah pakhat kan hlawh a tlin ah cun, a dang pakhat zong kan ser rih lai. Biletmae sehzung pahnih a um ahcun, inntek mipi ca ah a tha-hnem lai, cun rian zong an ngei lai, cun Ramkulh le Rampi ca zongah, that-hnemnak a um lai” tiah Sipin Vuanci U Soe Htet nih a chim.  

Sehzung satu dingah Tender voikhat an auh cang nain, ngunkhua pek ding a tamtuk caah, an au kho lo, a voi hnihnak tender an auh than lai, cun tulio cozah kut chungah lim dingin tuah asi lai tiah theih asi.

Cun Vuanci U Soe Soe Htet nih “Pungdaung Pung-ngia pal in, tuahmi tlanglawng lam a um, a tuhi cu a rawk, an hmang ti lo, mah lam cu kan remh lai, kal-um pehtlaihnak caah kan hman lai. Mah a tlamtlin ahcun, Bungzung tiang tlanglawng lam a pem cang lai” tiah a chim chih.

Bungzung ah tuah ding Sehzung kong he pehtlai in, inntek pawl nih duh lonak an rak langhtermi a um, nain an cohlan khawh ding caah kan cawlcangh lio cuahmah asi ko tiah a chim chap.

LEAVE A REPLY

Please enter your comment!
Please enter your name here