Channel Mandalay TV ah thawng latu Nan Da thlah dingah Committee to Project Journalist (CPJ) nih Kawlram cozah sin ah nawlnak a tuah tiah VOA Burmese nih a tial.

Ko Nan Do cu Aung Tha Pyi khu ah a cangmi Sehzung caah vawlei chuh a tongmi kongah duh lonak langhternak thawng a lak ruangah May 15 ah khan Palik nih an rak tlaih.

Duh lonak langhternak ah aa tel ve tiin tiza cuainak zong tuah loin direct in U Bu Thongah palik nih an thlak tiah Channel Mandalay in tuanvo ngeitu U Min Din nih CPJ sin ah a chim.

Hi kong he pehtlai in, CPJ tuanvo ngeitu Shawn Crispin nih Kawlram cozah sin ah thawnglatu thlah dingin kan nawl, cun Democracy hi biatak tein an upat ahcun, thawng zalennak hi hnahnawhnak pek lo dingah kan nawl chih hna tiah a chim.

Duh lonak langhtermi an tlaihmi hna pali chungah, thawnglatu Ko Nan Da zong cu aa tel ve. Duh lonak langhtermi pawl cu Palik nih Mit-khaatnak bom pawl in an kham hna tiah Channel Mandalay TV Facebook Page ah an langhter.

Ko Nan Da hi, duh lonak langhternak ah aa tel vemi si loin, an langhtermi tu kha LIVE in a thlah bia asi tiah Channel Mandalay TV nih an langhter chih.

LEAVE A REPLY

Please enter your comment!
Please enter your name here