Thailand ram, Chaigrai ramthen ah ummi Shan Nute cu American ram ah Science lei thiamnak zuamnak ah laksawng a hmu tiah VOA Burmese sin in theih asi.

Nein Hpinh Pin Ngia cu, Shan nupa hna nih an hrinmi asi i, Thailand ram ah an um ko nain, rammi sinak a rak ngeih lo caah tutan zuamnak kal dingah US visa cu a rak ngah kho lo.

Science Project Competition – Intel ISEF 2019 timi zuamnak ni hnih aa duh ah, Shan nute cu Thailand nih rammi sinak an pek caah, US kalnak visa cu a rak ngah than.

Shan nu te le a group nih an i zuammi hi cinthlak lei thiamnak (agricultural technology) kong asi i, ti a harnak hmun ah zeitindah thilnung kan cin lai timi thiamnak asi.

Mah zuamnak ah teinak a hmumi group 8 pawl cu USAID nih laksong a pek hna i, Shan miphun nute group cu $ 3,000  pek an si tiah theih asi.

Thailand nih tutan Ngei Hpinh Ngia lawng si lo in, nikum Tham Luang lungkua ah ti nih a hrenmi hna Pumpalulh phu ah aa tel vemi Kawl rammi pumpalulh chuih thiam pathum le an chimtu (coach) hna zong rammi sinak an rak pek cang hna.

____ VOA Burmese   

LEAVE A REPLY

Please enter your comment!
Please enter your name here