Rakhine ramkulh ah Arakan Army (AA) le Kawl ralkap (Tatmadaw) karlak kahnak a hun fah tikah kap hnih cungah thihnak le khondennak zong a chuak tiah VOA Burmese nih a tial.

Tuzing (May 22) zongah khan Myo Oo Peng, Waythali khua ah khan Tatmadaw le AA an i kap i bom hna an hman tiah inntek pawl nih an chim.

Myo Oo peng, Waythali khua lei ah Tatmadaw hram bunhnak cu AA nih vawlei tang bom (mine bomb) pawl hmangin an tuk hna tiah an chim.

Tuzing (May 22) raltuknak kongah zeidah a cang timi cu kan thei rih lo nain, Nizan (May 21) Myo Oo peng Auh Phu Kan lei ah Tatmadaw le AA an i kah ruangah Tatmadaw lei in hliamh hma zong an tuar tiah Tatmadaw thawngthanhnak lei in Buhmuchoh Zaw Min Htun nih a chim.

Nizan (May 21) tuknak kong he pehtlai in AA lei nih cun, “thla ni 21 ah khan asi. AA lei nih zing 4am hrawngah kan tuk hna. Myo Oo peng Auh Phu Kan pawngah a si. Mah ahcun Tatmadaw lei in thihnak le hliamhnak an tong” tiah an chim ve.   

Cu lawng hlah, May 20 ah Paletwa peng le Kyaut Daw peng hna ah raltuknak an cang rih tiah AA lei thawngthanhtu Khine Htu Kha nih a chim.

May 19 ah Kyuak Taw peng Myo Taung khua le Ma La Kyay khua kalrak tuknak zongah siangngakchia khne mino pakhat a hti cun, cun kum 10 tang ngakchia pali zong hliamh an tong.

__ VOA Burmese

LEAVE A REPLY

Please enter your comment!
Please enter your name here