Phung ning loin ram chung a lutmi thilri pawl cu, tha tein zohfeltu phu kan tuah i, 2019 April tiang ah hin 9 Billion kyats leng man kan tlaih cang tiah Vice President U Myit Swe nih a chim tiah DVB nih a tial.

Yangon ah, Kawlram Cawk-zuarnak le Sehzung lei Rian tuannak Phu (UMFCCI) nih an tuahmi chawleh rian tuantu pawl thla fatin tonnak ah tu bantuk in a chim.

“Ramri lei in phung ning loin thilri a lut ruangah SMEB (Small Medium Business) pawl an dir khawh ding a har caah, Ramthen le Ramkulh pakua chungah phu kan dirhmi nih an tlaih hna i 2019 April tiangah, voi 512 tluk an tlaih hna, a tangka in 9.113 Billion Kyats man asi” tiah a chim.

Kawlram nih 2018-2019 Tangka kum, May thla tiangah Cawkzuarnak (Trading) man hi US$ 20 billion aphan cang i, cucu nikum nak in US$0.523 a kai deuh tiah a chim.

Cu chungah pumpak tuahmi hi US$17 billion leng asi caah, pumpak nih hin 84% tluk bak an tuah tinak asi tiah Vice President nih a chim.

Tu bantuk in Vice President le chawleh rian tuantu tonnak hi 2016 in rak thok asi cang i, tutan an i ton hi voi 27nk asi cang.

LEAVE A REPLY

Please enter your comment!
Please enter your name here