Miss CYO Missouri State ai-awh in ai zuam ding tonnak.

Ka min fak cu Lal Tha Kim a si i, Kum 20 ka hmang chuahmah lio a si. Ka rihzan (weight) cu 115lbs asi. Ka tungsan (height) hi 5”4 asi. Ka khua cu Thantlang Peng Ralpel khua a si i, tu ka umnak State hi Missouri, Saint Joseph ah a si. Ka nu le ka pa min cu Pi Sui Iang le Pu Ma Cuang a si. U.S ah hin kum 3 ka um ve cang. Atu hi High School Senior year ka kai lio a si. Hmailei ah si kho ning tiah kaa tinhmi le ka saduh thahmi cu Nursing a si. Si Chin National Day 2017 Kansas City ah Fashion show ah ka rak i tel ve. Tutan CYONA miss zuamnak ah hin ka si khawh tawk chungin ei din(diet) ah siseh, taksa thatnak (exercise) lei zongah siseh kaa zuam cuahmah ve lio a si. Tutan 2019 CYONA miss ngah ding hi kaa tinhmi a si. Ka umnak CYO Upa hruaitu hna zongnih hin an ka tanpi tuk thazaang tampi zong an ka pek i, ka herhmi tete zong anmah nih an sikhawh tawkin tawl rel piak an ka timh cuahmah. 2019 CYONA Miss hei ngah ning law, CYO hruaitu le Upa hna hruainak tangah ka sikhawh tawkin, nawlngaibu tein karhlan khawh le thazaang chuahkhawh kaa zuam lai. A hmaisa bikah kan nih Chin mino hna USA ah SiangInn kan kai khawhmi hi kan van a tha tuk hringhran, Cawnpiak tu thatha le source thatha e.g Library, internet etc.. zong kan ngei. Kan Sianginn kaining le Education System ah hin State dangdang aa khat cio lo nain, kan cawnmi standard tu cu aa khat pah ko rua tiah ka zumh. Hi kongah hin, Hika ram hna nih an rak i tawlrel ning le an kalning umcia kan zul dawi ve khi asi tiah ka ruah i, soisel awk ka hngal lemlo. Siahngakchia(Student) tu nih ca kan zohning le kan caan kan hmanning tu hi a biapi deuhmi asi rua tiah ka ruah. Kan nu le kan pa hna zong pakhat le pakhat an thiamnak le hngalhnak aa khat lo bantukin, mah le sikhawh tawk cio in rian an ttuan hna i, hawi kan phan sual lai loh tiah an i zuam tuk i, an tha zong a ba tuk hringhran ko. Kan nu le kan pa an i zuamhnak le an teirial nak cung zongah hin soi awk ka ngei loh. Sihmanhsehlaw, Chungkhar tlingte i rawl dumtti le caan tamdeuh ngeih khawh tu khi cu saduh thah asi tiah ka ruah.

Good luck and thank you CCN Channel.

LEAVE A REPLY

Please enter your comment!
Please enter your name here