Nizan May 19,2019 ah khan, phung ning loin Malaysia ram ah a lutmi mawtaw pakhat aa let i, minung pathum an thi, cun a dang pasarih hi fak ngaiin an i khon caah sizung ah an chiah hna, cun a dang pali pawl hi an hma aa rel deuh caah palik an tlaih hna tiah the Star Online le Kepong Funeral Service hmangin thawng kan don.

Ipoh le Batawa karlak lampi (highway) cung mengtung 190/5 zawn ah minung 14 a phortu mawtaw cu mengtung pawng steel thluan pawl an khanmi ah aa pah tiah theih asi.

Kepong Funeral Service nih facebook ah a postmi an hmah-pung-tin (identity card) ningah, a thimi pathum hna hi: Mg Mg Than (kum 27), Mg Soe Mon (kum 20), le Mg Khat Leih (kum 37) hna an si.

Palik nih an tlaihmi hna hna hi: Nay Lin (kum 25), Johan (kum 15), Mang Mun Thawng (kum 17), le Kap Pum Thang (kum 25) hna an si i, palik nih thil sining ning an hal cuahmah ko hna.

Poipang tongmi hna sin ah Malaysia ram ummi Kawlram Taanzung palai le rian tuantu pawl le a dangdang bawmhnak petu phu hna nih bawmhnak an pek hna tiah Kepong Funeral Service nih a tial.

LEAVE A REPLY

Please enter your comment!
Please enter your name here