Vawlei cungah chauhtu lakah a ngan bik chang simi Huawei cu Google nih Android system tangah a ummi apps a cheu cu a phih kanh tiah BBC nih a tial.

Huawei nih a chuahthar dingmi phone pawl ahcun Google apps a cheu pawl cu an phih kanh cang hna lai tiah theih asi.

Trump cozah nih American kampani pawl he laisen an tuah lo ahcun chawlehnak tuah lo dingah a chiahmi cazin ah Huawei aa tel hnu in tu bantuk hin thil a hun chuak.

“Nawl pekmi bantuk in tuah dingah tuhi kan zoh cuahmah ko” tiah Google nih an chim. Nain Huawei nih cun zeihmanh an let duh ve hna lo.

Tu ah hman cuahmah liomi Huawei pawl nih cun Google Play ti bantuk pawl Google apps pawl cu an update khawh ko lai.

Nain Google nih tukum dih lei ah Android version a vun update tikah cun Huawei hmangmi pohpoh nih cucu an update kho ve ti lai lo.  

A sullam cu hmailei ah chuah ding Huawei phone pawl nih Google apps simi YouTube le Google Maps hei ti pawl an hmang kho ti lai lo tinak asi.

Trump cozah nih amah sin ah laisan a tuah lomi pawl cu phihkhar dingah a chim hnu in, Huawei CEO Ren Zhengfei nih “Mah kongah hin timh tuahnak kan ngei ko” tiah Japan thawngzamh sin ah arak chim.

__BBC News

LEAVE A REPLY

Please enter your comment!
Please enter your name here