May 19, 2019: Dallas|| Dallas Chin mi khrihfabu kip fonh mi mino bu, Dallas Chin Christian Youth Fellowship nih Hakha hrambunh Bethzahtha Disable Development Centre bawmhnak caah Charity Concert cu June 9, 2019 ah Bethel Baptist Church ah an tuah lai. Hi Charity Concert ah Hlasak thiam Victor Cung Van telh in Dallas chungin Hlasak thiam mino tampi an I tel lai I, khual lian ah Miss Mizoram 2017 Rody H. Vanlalhriatpuii nih a tel pi hna lai. Hlasak nak zong a ngei ve lai tiah kan theih. Dallas Chin Music Band nih ringawn an tum lai. Concert luhman ah $10 a si lai.

Bethzatha ngakchia

“Kan ram ah bawmh chanh a haumi hna, kut ke tlamtling lo mi hna, ngaktah pawl bawmhnak dingah tuah mi Charity Concert a si caah, DCCYF mino dihlak nih bawmhchanh khawh I zuam cio hna u sih” tiah DCCYF Chairman Zo Ram Thang nih sawmnak a tuah. Video ah sawmnak a tel.

June 8, 2019 zong ah Youth Camp an tuah rih lai tiah kan theih. Speaker dingah Maryland, USA khuasa Rosangpuia Fanai a si lai.

LEAVE A REPLY

Please enter your comment!
Please enter your name here