Argentina ram ah, phone camera in thlakmi hmanthlak pakhat cu Jesuh Mui he aa lo ngai i, cucu online ah biatak tein a vak (viral) tiah Fox News nih a tial.
Tlangpar ah ni nih a cerhmi cu, San Salvador de Jejuy khua ummi Mónica Aramayo nih a caan lio te ah, a vun thlak tikah Jesuh mui bantuk in a cuang taktak ko.
Online ah midang thluachuah caah tiin a vun tar tikah, “Pathian hi a rak ra olh ko lai caah, timh cia in kan um ding asi” tiah Mariela Romano nih Social media ah comment a tial.
Cu hmanthlak cu Brazil ram Rio de Janeiro in meng 3,000 tluk ah a ummi Jeush milem he aa lo tiah Social Media hmangtu pawl nih an tahchunh colh.
Tu bantuk in hmanthlak a hun chuah hi a voikhatnak asi lo, March thla chung zongah khan Italy ah Alredo Lo Brutto zong nih a rak thlak bal cang.
