Turkey ram Saudi Arabia Council Zungah thawnglatu Jamal Khashoggi thah a hun si in, nuhrin covo kong thawng lak hi zeitluk in dah tih a nun ti cu vawlei pi nih hun fian deuh asi tiah VOA Burmese nih a tial.

Amah a thihnak kongah American nih zeihmanh bia a chim lo, lehnak a tuah lo tikah ah hin vawlei cung thawnglatu pawl caah tih a nung chin lengmang tiah thah tongmi Khashoggi nupi Katherine Gypson nih a chim.

Jamal Khashoggi hi a thih lai taktak ahcun vawlei cungah rak raal bikmi thawnglatu ah a rak cang. A thihnak hi thla riat a rau ko cang nain, a nupi nih cun a tutiang hi aa lung sak kho ve lo.

2018 chungah hin thawnglatu minung 54 thah an rak tong, that-tu pawl hi an zaa tein dan-tat an si lo tiah Protect Journalist Committee in Joel Simon nih a chim.

“Thawnglatu thahnak case 10 chungah pakua cu zeitik hmanh ah phung ningin tawlrel asi kho bal lo. Tubantuk in mi that-tu ngaihthiamnak hi thawnglatu pawl caah tih-nung raalhrang pawl tha pek he aa lo ko” tiah Simon nih a chim.

“Turkey, Egypt le Tuluk ram hna ahcun, nuhrin covo he pehtlaimi thawngpang a tialtu cu thong thlak an si” tiah a chim chap.

Khashoggi thah dingah nawl a petu hi Saudi minta (Siangpahrang fapa) Mohammed Bin Salman asi tiah American dot-hlat-tu nih an theih.

LEAVE A REPLY

Please enter your comment!
Please enter your name here