Kawlram ralkap bawizik Min Aung Hlaing hmanmi Twitter Account cu Twitter kampani nih an hrawhpiak tiah VOA Burmese nih a tial.

Rakhine buainak kongah UN nih tuanvo a pekmi phu (Commission) nih cathluan chuah dingin timh tuahnak an ngeih cuahmah lio ah tu bantuk in Twitter nih Ralkap bawizik account an hrawhpiak hi asi.

2017 August thla ah a cangmi ralhrang kongah siseh Rohingya thing 7 leng Bangladesh an zaamnak kongah siseh tuanvo a ngeimi pawl cu zungah chuahpi in dot-hlat khawh dingin mah Commission nih cun timh tuahnak an ngei.

Facebook, Twitter le a dang social media pawl nih an hmuhmi thil tete hi dot-hlatnak caah a kan bawmtu asi lai tiah dot-hlattu Commission pawl nih an i ruah chan.

Tubantuk in Twitter nih an khar piak hlan ah Ming Aung Hlaing cu Facebook zong nih an rak khar piak cang, cun VK Social Media zong nih an khar piak cang.

__ VOA Burmese

LEAVE A REPLY

Please enter your comment!
Please enter your name here