Malaysia ah rian tuanmi Kawlram mi pawl nih Beer a deu an i din sual caah thla khat chungah a tlawmbik pasarih an thi cang tiah DVB nih a tial.

“Kan hnu April tha 24 in tu May thla tiang ah hin minung 7 an thi cang. Nizan a thimi pa cu Mandalay Ramthen, Taung Tha Kaa khuami a si i, kum 23 lawng a si rih. A nu le pa nih an khua ah ruak vui kan duh an ti caah nizan ah khan, vanlawng in a ruak cu kan kuat hna. Mah beer deu hi a sivai thawn ngai dawh asi. A thimi pawl hi an kut le ke tin a muici a sen (Brown) ah aa thleng dih. Tu ah sizung um rihmi pahnih an si. An dinmi beer pawl hi a man fakmi an si lo, a min thangmi zong an si lo, anmah rian tuanmi pawl nih an din khawhmi te asi ve cuh” tiah Kapung in mizaw a bawm chantu phu in Chairperson U San Win nih a chim.

Tubantuk in thi lak in an dinmi beer hi King Priests asi tiah mi bawmtu phu i an Facebook Page ah an chiah.

Malaysia ram ah zu deu an i din sual ruangah 2012 dih lei ah khan Kawlram mi 35 an thi, cun 2018 September thla zongah 27 an ti tiah theih asi.

LEAVE A REPLY

Please enter your comment!
Please enter your name here